Bu gün Pedaqoji fakültənin Tələbə Elmi Cəmiyyətinin (TEC) təşəbbüsü ilə tələbələr üçün olduqca əhəmiyyətli olan “Elmin dili: məqalə yazmağın qızıl qaydaları” adlı təlim keçirildi.
​Təlimin əsas məqsədi gənc tədqiqatçıları elmi fəaliyyətə həvəsləndirmək və onlara akademik yazı mədəniyyətinin incəliklərini aşılamaq idi. Tədbirdə çıxış edən fakültənin təcrübəli və savadlı müəllimləri tələbələrlə öz dəyərli biliklərini bölüşərək, bir elmi məqalənin strukturundan tutmuş, istinadların düzgün verilməsinə qədər bütün mühüm məqamlara aydınlıq gətirdilər.
​Təlimdə toxunulan əsas mövzular:
​Elmi məqalənin aktuallığının müəyyən edilməsi;
​Akademik yazı üslubu və terminologiyadan düzgün istifadə;
​Məqalə yazarkən yol verilən tipik səhvlər və onların həlli yolları.
​İnteraktiv şəkildə davam edən görüşdə tələbələri maraqlandıran suallar cavablandırıldı və elmi araşdırmalara maraq göstərən hər bir gənc üçün faydalı istiqamətlər verildi.
​Bu cür təlimlər tələbələrimizin gələcək elmi fəaliyyətində sağlam təməl rolunu oynayır.