Gəncə Dövlət Universitetində “Müasir idmanda psixoloji hazırlıq” mövzusunda dəyirmi masa keçirilib
​Oktyabrın 26-da Gəncə Dövlət Universitetinin II tədris binasında Pedaqoji fakültənin “Bədən tərbiyəsi və idman kafedrası” və “Psixologiya kafedrası”nın təşəbbüsü və Tələbə Elmi Cəmiyyətinin (TEC) təşkilatçılığı ilə “Müasir idmanda psixoloji hazırlıq: Mövcud vəziyyət, problemlər və həll yolları” mövzusunda birgə dəyirmi masa keçirilib.
​Tədbiri giriş sözü ilə açan kafedra müdirləri — Bədən tərbiyəsi və idman kafedrasının müdiri Urfan Cabbarov, Psixologiya kafedrasının müdiri, dosent Zümrüd Cavadova və kafedranın baş müəllimi Rəmziyyə Rəhimova idmanda psixoloji hazırlığın elmi və praktiki əhəmiyyətindən bəhs ediblər.
​Daha sonra tələbələrin çıxışları dinlənilib, mövzu ətrafında sual-cavab və müzakirələr aparılıb. Tədbirin sonunda Tələbə Elmi Cəmiyyətinin sədri Silduz Hüseynova anket sorğusunun nəticələrinə əsaslanan empirik tədqiqat işini təqdim edib. Dəyirmi masa iştirakçıların suallarının cavablandırılması ilə başa çatıb.