Məşqçilik ixtisasının IV kurs tələbəsi Quliyev Tofiq tərəfindən Gəncə şəhər İdman Litseyində futbol üzrə “Sərbəst zərbələrin qapıya vurulma qaydaları” mövzusunda sınaq məşğələsi keçirilmişdir.
Məşğələ zamanı tələbə ali təhsil müddətində qazandığı nəzəri bilikləri praktik fəaliyyət zamanı uğurla tətbiq etmiş, şagirdlərə sərbəst zərbələrin texniki icra qaydaları, düzgün mövqe seçimi və zərbə texnikası barədə ətraflı məlumat vermişdir. Təlim prosesində uşaqlarla fəal işləyərək onların futbol bacarıq və vərdişlərinin inkişafına dəstək göstərmiş, məşğələnin səmərəli və maraqlı təşkilinə nail olmuşdur.