Hər il 2 fevral tarixində qeyd olunan Azərbaycan Gəncləri Günü ölkəmizin ictimai-siyasi, elmi, mədəni və idman həyatında fəal iştirak edən gənclərin bayramıdır. Bu əlamətdar gün müasir Azərbaycan gəncliyinin potensialının, təşəbbüskarlığının və vətənpərvərliyinin nümayişidir.
Azərbaycan gəncliyi dövlətin diqqət və qayğısı ilə əhatə olunmuş, bilik və bacarıqlarını inkişaf etdirmək üçün geniş imkanlara malikdir. Gənclərimiz milli-mənəvi dəyərlərə sadiq qalaraq, eyni zamanda müasir dünyanın çağırışlarına uyğun şəkildə ölkəmizi beynəlxalq arenada layiqincə təmsil edirlər.
Bu əlamətdar gün münasibətilə bütün gəncləri təbrik edir, onlara sağlamlıq, uğurlar və gələcək fəaliyyətlərində yeni nailiyyətlər arzulayırıq. Gənclərimizin enerjisi və ideyaları Azərbaycanın sabahını daha parlaq edəcəkdir.